އިތުރު ދިވެއްސަކު ނިޔާވެ، ބަލީގައި ނިޔާވި މީހުންގެ ޢަދަދު 103 އަށް އިތުރުވެއްޖެއެވެ.
އެޗްޕީއޭއިން ބުނީ މިބަލީގައި އެންމެ ފަހުން ނިޔާވީ ހުޅުމާލޭ މެޑިކަލް ފެސިލިޓީގައި ފަރުވާ ދެމުންދިޔަ 79 އަހަރުގެ އަންހެނެއްކަމަށެވެ.
ރޭ 23:14 އެހާއިރު ނިޔާވި މީހާއާއެކު މިބަލީގައި ރާއްޖެއިން ނިޔާވި މީހުންގެ އަދަދުވަނީ 103 އަށް އިތުރުވެފައެވެ. އަދި މިބަލީގައި އިއްޔެ ނިޔާވި މީހުންގެ އަދަދުވެސް ވަނީ 5 އަށް އިތުރުވެފައެވެ. ރާއްޖޭގައި މިބަލިޖެހިގެން މަރުވާ މީހުންގެ ޢަދަދުވެސް އިތުރުވާން ފަށާފައިވާއިރު މިމަހުގެ މިހާތަނަށް 29 މީހުން މިބަލީގައި ނިޔާވެފައެވެ.
މިހާތަނަށް މިބަލީގައި ނިޔާވި މީހުންގެ ތެރެއިން 90 މީހުންނަކީ ދިވެހިންނެވެ. އަދި 13 ބިދޭސީއަކުވެސް މިބަލީގައި ފަރުވާދެމުންދަނިކޮށް ވަނީ ނިޔާވެފައެވެ.
ކޯވިޑް-19 ގެ ނުރައްކާ ރާއްޖޭގައި ބޮޑުވެ ބަލިފެތުރުން އިންިހާއަށް އިތުރުވެފައިވާއިރު، މިމާހުގެ މިހާތަނަށްވެސް 15000 އަށްވުރެ ގިނަ މީހުންވަނީ މިބައްޔަށް ޕޮޒިޓިވްވެފައެވެ. އަދި ފަރުވާދޭ މީހުންގެ ޢަދަދު 17000އާ ގާތްކޮށްފައިވާއިރު، 268 މީހަކަށް އެޑްމިޓްކޮށްގެން ދަނީ ފަރުވާދެމުންނެވެ.