ޑްރީމްވޯކްސް އެނިމޭޝަންގެ ކާމިޔާބު ކާޓުން " ބޮސް ބޭބީ"ގެ ސީކުއެލް އަންނަ ހުކުރު ދުވަހު ރިލީޒްކުރަން ތައްޔާރުވެއްޖެއެވެ.
މިފަހަރުގެ ކާޓޫންގެ ނަމަކީ " ދަ ބޮސް ބޭބީ: ފެމެލީ ބިޒްނަސް " އެވެ. މި ސީރީޒްގެ ފުރަތަމަ ފިލްމު " ދަ ބޮސް ބޭބީ" ރިލީޒްކުރީ 2017 ގައެވެ.
މައިކަލް މެކަލާސްގެ ވާހަކައަކަށް އުފައްދާ މި ކާޓޫންގެ ޕްރޮޑިއުސަރަކީ ޖެޕް ހާމަންއެވެ. ޑައިރެކްޓަރަކީ ތޮމް މެގްރެތްއެވެ. ފިލްމުގެ މުހިއްމު ކެރެކްޓަރތަކަށް އަޑު އަޅާދީފައިވަނީ ޖޭމްސް މާރސްޑެން، އެމީ ސެޑާރިސް، އިވާ ލޮންގާރިއާ، އެލެކް ބޯލްޑްވިން ، ލީސާ ކުޑްރޯ ހިމެނެއެވެ.
މި ފިލްމު ހުކުރު ދުވަހު ސިނަމާތަކުގައި ރިލީޒްކުރާއިރު ހަމަ އެދުވަހު ޑިޖިޓަލް ޕްލެޓް ފޯމް ޕީކޮކް ޕްރިމިއަމްގައި ސްޓްރީމްކުރާނެއެވެ.
125 މިލިއަން ޑޮލަރުން އުފެއްދި މިފިލްމު ވަނީ ބޮކްސް އޮފީހުގައި 528 މިލިއަން ޑޮލަރު ހޯދާފައެވެ.