މިއަހަރު ނެރުނު ސީރީޒްތަކުގެ ތެރެއިން ގިނަ ބައެއްގެ މަޤުބޫލުކަން ހޯދާފައިވާ ދެކުނު ކޮރެއާގެ ސީރީޒް "ޓެކްސީ ޑްރައިވަރ" ދެވަނަ ބައެއް ހެދުމުގެ މަސައްކަތް ފަށާފައިވާކަމަށް މީޑިއާތަކުން ރިޕޯޓް ކޮށްފިއެވެ.
މި ސީރީޒްގެ ފުރަތަމަ ސީޒަން އެއަރކުރީ މިިިދިޔަ މޭމަހުގެ ތެރޭގައެވެ. މިސީޒަނަށް ރޭޓިންގްސްގައި ވަނީ ރަނގަޅު ހިސާބެއް ލިބިފައެވެ.
ކޮރެއާގެ މީޑިއާ ހަބަރުތައް ގެނެސްދޭ މީޑިއާ ރިޕޯޓްތައް ބުނާގޮތުން ޕްރޮޑަކްޝަން ކުންފުންޏެއްކަމަށްވާ ސްޓޫޑިއޯ އެސް އިން ވަނީ ދެ ވަނަ ސީޒަނެއް އަންނަ އަހަރު ނެރުމުގެ މަސައްކަތް ފަށާފައެވެ. އަދި މިހާރު ދަނީ ކާސްޓުން ނެގުމުގެ މަސައްކަތްކަމަށް ކުރަމުންކަމަށްވެސް ރިޕޯޓްތައް ބުނެއެވެ.
އެސްބީއެސް ނެޓްވޯކުން ބުނީ ޝެޑިއުލްތަކާއި ބެހޭގޮތުން މަޝްވަރާތައް ކުރަމުން އަންނަކަމަށެވެ.
"ޓެކްސީ ޑްރައިވަރ" ގެ ފުރަތަމަ ސީޒަންގައި ލީ ޖޭ ހޫން، އެސޯމް، ކިމް އިއުއި ސަންގް، ޗާޖީ ޔިއޯން، ބާއީ ޔޫ ރަމް، ޖޭންގް ހިޔުކް ޖިން އަދި ޕިޔޯ ޔެ ޖިން މުޙިންމު ރޯލުތަކުން ފެނިފައިވެއެވެ.