ހުޅުމާލެ މެޑިކަލް ފެސިލިޓީގައި ކޯވިޑަށް ފަރުވާދެމުންދިޔަ ދިވެއްސެއް ނިޔާވެއްޖެއެވެ.
އެޗްޕީއޭއިން ވިދާޅުވީ ރޭ 00:17 ހާއިރު ނިޔާވެފައިވަނީ ޢުމުރުން 49 އަހަރުގެ ދިވެހި ފިރިހެނެއްކަމަށެވެ. މިއީ ކޯވިޑް ބަލީގައި ރާއްޖެއިން ނިޔާވި 216 ވަނަ މީހާއެވެ.
ރާއްޖެއިން ކޯވިޑް ޖެހިގެން ނިޔާވި މީހުންގެ ޢަދަދު 216 އަށް އަރާފައިވާއިރު މީގެ ތެރޭގައި ހިމެނެނީ 197 ދިވެހިންނާއި 19 ބިދޭސީންނެވެ.
Last night at 00:17 am (16/07/21) a 49-year-old Maldivian male admitted at HMF has passed away
— Health Protection Agency (@HPA_MV) July 16, 2021
This is the 216th COVID-19 death in the Maldives
Our thoughts and prayers are with the bereaved family. May Allah grant his soul eternal peace in heaven
އެންމެފަހުން މިބަލީގައި ރާއްޖެއިން މީހަކު ނިޔާވެފައިވަނީ މިމަހުގެ 14 ވަނަ ދުވަހުއެވެ. ކޯވިޑްއަށް ޕޮޒިޓިވްވާ މީހުންގެ ތެރެއިން ހާލުބޮޑުވާ މީހުންގެ ޢަދަދު ވަރަށް ބޮޑަށް މިހާރު ވަނީ މަދުކުރެވިފައެވެ. އޭގެ އިތުރުން ބައްޔަށް ހުށައެޅޭ މީހުންގެ ޢަދަދުވެސް ވަނީ ދަށްކުރެވިފައެވެ. އެގޮތުން ވޭތުވެދިޔަ 24 ގަޑިއިރުގެ ތެރޭގައި ބައްޔަށް ޕޮޒިޓިވްވެފައިވަނީ 217 މީހުންނެވެ.