އެމެރިކަން ސުޕްރަ ނެޗުރަލް ކޮމެޑީ " ގޯސްޓް ބަސްޓަރ: އަފްޓަރލައިފް" ރިލީޒްކުރުން ނޮވެމްބަރަށް ތާވަލުކޮށް ފިލްމުގެ އައު ޓްރެއިލަރއެއް ދައްކާލައިފިއެވެ.
2020ގެ ޖުލައިގައި ރިލީޒްކުރަން ނިންމި މި ފިލްމު ތިން ފަހަރަށް ލަސްވުމަށްފަހު އަންނަ ނޮވެމްބަރު 11ގައި ފިލްމު ނެރުމަށް އަންނަނީ ތައްޔާރުވަމުންނެވެ. މީ 1984 ވަނަ އަހަރު ނުކުތް "ގޯސްޓް ބަސްޓަރ" ފްރެންޗައިޒްގެ ހަތަރުވަނަ އިންސްޓޯލްމަންޓެެވެ. 1984 ވަނަ އަހަރު ނުކުތް "ގޯސްޓް ބަސްޓަރ" އާއި 1989 ވަނަ އަހަރު ނުކުތް "ގޯސްޓް ބަސްޓަރ 2" އަދި 2016 ގައި ނެރުނު "ގޯސްޓް ބަސްޓަރ: އަންސަރ ދި ކޯލް" ވެސް ވަނީ ބޮކްސް އޮފީހުގައި ރަނގަޅު ކާމިޔާބީއެއް ހޯދާފައެވެ.
މި ފަހަރުފެ ފިލްމުގެ ޑައިރެކްޓަރަކީވެސް 1984 ގައި ނެރުނު މީގެ އޮރިޖިނަލް ފިލްމާއި 89ގެ ސީކުއެލްގެ ޑައިރެކްޓަރ އިވާން ރެއިޓްމެންޓްއެވެ. މި ފިލްމުގެ ކާސްޓްގައި މީގެ އޮރިޖިނަލްގައި ހިމެނުނު ބައެއް ތަރިންވެސް ހިމެނޭނެއެވެ. އޭގެތެރޭގައި ސިގޯނީ ވީވަރ، ބިލް މުރޭ، އޭނީ ހުޑްސަން ހިމެނެއެވެ. އެހެންނަމަވެސް މީގެއެއްވެސް ތަރިއެއް އަދި މިހާތަނަށް ނެރުނު އެއްވެސް ޓްރެއިލަރގައި ދައްކާލާފައެއް ނުވެއެވެ.
1984 ވަނަ އަހަރު ނުކުތް "ގޯސްޓް ބަސްޓަރ" ގެ ބަޖެޓަކީ 30 މިލިއަނެެވެ. އެހެންނަމަވެސް ބޮކްސް އޮފީހުގައި މި ފިލްމުވަނީ 295 މިލިއަން ރުފިޔާގެ ނަގާ ބޮޑު ފައިދާއެއް ހޯދާފައެވެ.