ބޮލީވުޑުން ހޮލީވުޑަށް ދަތުރުކޮށް އެތައް ކާމިޔާބެއް ހޯދާފައިވާ ތަރި ޕްރިޔަންކާ ޗޯޕްޅާ ޖޮހަނަސް ވަނީ ބެލުންތެރިންގެ މަޤުބޫލުކަން ހޯދާފައެވެ.
ޕްރިޔަންކާ މިހާރު ރައްޓެހިންނާއިއެކު އިނގިރޭސިވިލާތުގައި ޗުއްޓީ ހޭދަކުރަމުންދާއިރު ޕްރިޔަންކާ އޭނާގެ އިންސްޓަގްރާމްގައި ހާމަކޮށްފައިވާ ގޮތުގައި ފެޝަން ބްރޭންޑް ބުލްގަރީގެ ގްލޯބަލް އެމްބެސެޑަރަކަށް މިހާރު އޭނާ ވަނީ ހަމައްޖައްސާފައެވެ. މި ޕޯސްޓާއިއެކު ޕްރިޔަންކާވަނީ އޭނާގެ ރީތި ފޮޓޯތަކެއްވެސް އިންސްޓްގްރާމަށް ދޫކޮށްލާފައެވެ.
ހުދުކުލައިގެ އޮފްޝޯލްޑަރ ހެދުމެއްގައި މޭކަޕާއި ނުލައި ނަގާފައިވާ ފޮޓޯތަކުގައި ޕްރިޔަންކާގެ ރީތިކަން އިތުރަށް ފުރިހަމަ ކޮށްދީފައިވަނީ ބުލްގަރީ ބްރޭންޑްގެ ގަހަނާތަކުންނެވެ. ކަންފަތުގައި ލާފައި އިން ސްޓަޑާއި ކަރުގައި އަޅާފައި އޮތް ހާރު އަދި އަގޮޓީ އަކީވެސް ބުލްގަރީގެ އުފެއްދުތަކެވެ.
ޕްރިޔަންކާގެ ކުރިއަށް އޮތް ފިލްމު "ޓެކްސްޓް ފޯ ޔޫ" ގެ ޝޫޓިންތައް މިހާރު ނިންމާލާފައިވާއިރު ޕްރިޔަންކާ މިހާރު ކުރިއަށްގެންދާ މަސައްކަތަކީ އެމެޒޯން ޕްރައިމްގެ ސްޕައި ސީރިޒް "ޗިތާދޭ" ގެ މަސައްކަތެވެ.
މީގެއިތުރުން މާ އާންނަދު ޝީލާއަށް ހަދާ ބަޔޯޕިކްގެ މަސައްކަތާއި ، މިންޑީ ކާލިންގ އާއެކު ކުޅޭ ރޮމޭންޓިކް ކޮމެޑީގެ އިތުރުން ޕްރިޔަންކާ އަދި ފިރިމީހާ ނިކް ޕްރޮޑިއުސްކުރާ އެމެޒޯން ސީރީޒެއް ކަމަށްވާ "މެޓްރިކްސް 4" ސީރިޒަކީވެސް ޕްރިޔަންކާގެ ކުރިއަށް ހުރި މަސައްކަތްތެކެވެ.