2019 ވަނަ އަހަރު ނެޓްފްލިކްސްއިން ދެއްކި "ދިއްލީ ކްރައިމް" ގެ ތަރި ޝެފާލީ ޝާހާއި ބޮލީވުޑްތަރި ވިދްޔާ ބާލަން އެކުގައި ފުރަތަމަ ފަހަރަށް ފެންނަ ފިލްމު "ޖަލްސާ" ގެ މަސައްކަތް ފަށައިފިއެވެ.
ވިދްޔާއަށް ބޮޑު ތަރުޙީބެއް ލިބިގެންދިޔަ ފިލްމު "ތުމާރީ ސުލޫ" ގެ ޑައިރެކްޓަރ ސްރޭޝް ތްރިވެނީ ޑައިރެކްޓްކުރާ މި ފިލްމަކީ ބުޝަން ކުމާރުގެ ޓީ ސީރީޒާއި އަބުންދަންތިއާ އެންޓަޓައިންމަންޓް ގުޅިގެން ހަދާ "ވިމެން ސެންޓްރިކް" ފިލްމެކެވެ.
ފިލްމާއި ބެހޭގޮތުން ޝެފާލީ ބުނީ ފިލްމުގެ ވާހަކައަކީ ވަރަށް ތަފާތު ވާހަކައެއް ކަމަށާއި ފިލްމު އޭނާއަށް ހުށަހެޅުމުން ފުރަތަމަވެސް ހިތަށް އެރީ މިއީ އޭނާ ކުޅެން ޖެހޭ ފިލްމެއް ކަމަށެވެ.
VIDYA BALAN - SHEFALI SHAH IN 'JALSA'... #VidyaBalan and #ShefaliShah to star in #Jalsa... Suresh Triveni - who directed #TumhariSulu - directs the film... Filming starts today... Produced by #BhushanKumar, #KrishanKumar, #VikramMalhotra and #SureshTriveni. pic.twitter.com/gxVcNRhI9C
— taran adarsh (@taran_adarsh) August 12, 2021
ޝެފާލީ އަކީ ހިންދީ ސިނަމާގެ ގިނަ ފިލްމުތަކެއްގައި ސަޕޯޓިން ރޯލުތައް ކުޅޭ ހުނަރުވެރި ބަޠަލާއެކެވެ. ޝެފާލީގެ ކުރިއަށް ހުރި ފިލްމުތަކުގެ ތެރޭގައި އަޔޫޝް މާން ކުރާނާއާއެކު ފެންނަ "ޑޮކްޓަރ ޖީ" އަދި ޢާލިއާ ބަޓް އާއެކު ފެންނަ "ޑާލިންސް" ހިމެނެއެވެ.
ވިދްޔާ ބާލަން އެންމެ ފަހުން ފެނިފައިވަނީ އެމެޒޯން ޕްރައިމް ވީޑިއޯއިން މިދިޔަ ޖޫން މަހު ރިލީޒްކުރި ފިލްމު "ޝޭރިނީ" އިންނެވެ.