ދިގު އިންތިޒާރަކަށްފަހު ޖޭމްސް ބޮންޑްގެ އެންމެ ފަހުގެ ފިލްމު "ނޯ ޓައިމް ޓު ޑައި" އަންނަ މަހު ލަންޑަންގައި ޕްރިމިއަރ ކުރުން ނިންމައިފިއެވެ. ލަންޑަންގެ ރޯޔަލް އަލްބަޓް ހޯލްގައި ފިލްމު ރިލީޒްކުރާނީ އަންނަ މަހުގެ 28ގައެވެ. އެމެރިކާގައި ފިލްމު ރިލީޒްކުރާނީ އޮކްޓޫބަރު 8 ގައެވެ.
ފިލްމު ރިލީޒްކުރާ ދުވަހު ޕްރޮޑިއުސަރ މައިކަލް ޖީ ވިލްސަން ޑައިރެކްޓަރ ކެރީ ޖޯނީ ފުކުނަގާ ރެޑް ކާޕެޓުން ފެނިގެންދާއިރު ފިލްމުގެ ލީޑްރޯލުން ފެންނަ ތަރި ޑެނިއަލް ކްރައިގްވެސް ރެޑް ކާޕެޓުން ފެންނާނެއެވެ.
200 މިލިއަން އެމެރިކާ ޑޮލަރުގެ ބަޖެޓަކުން އުފައްދާފައިވާ މި ފިލްމަކީ މިއަހަރު އެންމެ ގިނަ ބަޔަކު އިންތިޒާރުކުރާ އެއް ފިލްމެވެ. އަދި މިއީ ފިލްމުގެ ލީޑްރޯލުން ފެންނަ ޑެނިއަލް ބްރިޓީޝް ސިއްރު އޭޖެންޓެއްގެ ގޮތުގައި ނުވަތަ ޖޭމްސް ބޮންޑުގެ ގޮތުގައި ފެންނާނެ އެންމެފަހުގެ ފިލްމުވެސްމެއެވެ.
ކޯވިޑްގެ ބަލިމަޑުކަމާއި ހެދި މި ފިލްމު ރީލީޒްކުރުން އެތައް ފަހަރަކު ވަނީ ލަސްވެފައެވެ.