ދުވަސްތަކަކަށްފަހު ބޮލީވުޑް ސުޕަރސްޓާ ޝާހުރުކްޚާން އަނެއްކާވެސް ފިލްމީ މަސައްކަތްތަތަކަށް އެބުރި އައިސް ފެށި ފިލްމު "ޕަތާން" އަދިވެސް ރަސްމީކޮށް އިޢުލާނު ނުކުރާއިރު ބައެއް އެހެން ޕްރޮޖެކްޓްތަކުގައިވެސް ޝާހު ވަނީ މިހާރު ސޮއިކޮށްފައެވެ.
ދާދިފަހުން ޝާހުވަނީ ޑިޒްނީ ޕްލަސް ހޮޓް ސްޓާއަށް އިޝްތިހާރެއްވެސް ކުޅެފައެވެ. މި އިޝްތިހާރު ފުރަތަމަ ޢާންމުކޮށްފައިވަނީ ޑައިރެކްޓަރ ކަރަން ޖޯހަރްއެވެ.
މިހާރު މިވަނީ ޑިޒްނީ ޕްލަސް ހޮޓްސްޓާރގެ ވެބް ސިރީޒްއަކަށް ޝާހު ސޮއިކުރި ވާހަކަ ފެތުރެން ފަށާފައެވެ. މި ސީރީޒާއި ބެހޭ އެއްވެސް މައުލޫމާތެއް އަދި ނޭގުނު ނަމަވެސް ސީރީޒް ދައްކާނީ ހަމައެކަނި ޑިޒްނީ ޕްލަސް ހޮޓް ސްޓާއިންކަން ވަނީ ޔަޤީންވެފައެވެ.
Never thought I’d see the day when even the Baadshah of Bollywood feels FOMO. Now I’ve seen everything!! @iamsrk pic.twitter.com/2k8qIczNME
— Karan Johar (@karanjohar) September 11, 2021
ޝާހު ދެން އެންމެ އަވަހަށް ފެންނާނީ ދީޕިކާ ޕަޑްކޯންއާއިއެކު ފިލްމު "ޕަތާން" އިންނެވެ. ސިދާތް އާނަންދް ޑައިރެކްޓްކުރާ މި ފިލްމު ރިލީޒްކުރަން ތާވަލުކޮށްފައިވަނީ އަންނަ އަހަރުއެވެ. ޝާހު މިހާރު ކުރިއަށްގެންދަނީ އަތްލީ ޑައިރެކްޓްކުރާ ޕޭން އިންޑިއާގެ ފިލްމުގެ މަސައްކަތެވެ. މި ފިލްމުގައި ޝާހު އާއިއެކު ދެން ފެންނާނީ ދެކުނު ތަރި ނަޔަންތްރާއެވެ.