2015 ވަނަ އަހަރު ކަބީރު ޚާން ޑައިރެކްޓްކުރި ކާމިޔާބު ފިލްމު "ބަޖުރަންގީ ބައިޖާން" ގެ ދެވަނަ ބައެއް ނެރޭނެ ކަމަށް އެ ފިލުމުގެ ލީޑް ރޯލު ކުޅުނު ސުޕަރ ސްޓާރ ސަލްމާންޚާން ބުނެފިއެވެ.
ސަލްމާން މިހެން ބުނެފައިވަނީ ''އާރްއާރްއާރް'' ފިލްމުގެ ޓީމާއި އެކު އޮތް ބޮޑު ހަފުލާއެއްގައެވެ. މި ހަފުލާގައި ވާހަކަ ދައްކަމުން ސަލްމާން ބުނީ "ބަޖުރަންގީ ބައިޖާން" ގެ ދެވަނަ ބައި ލިޔާނީ އެސް އެސް ރާޖުމޯލީ ކަމަށެވެ. އަދި ފިލްމު ޑައިރެކްޓް ކުރާނީ ފުރަތަމަ ފިލުމުވެސް ޑައިރެކްޓްކުރި ކަބީރްޚާން ކަމަށްވެސް ސަލްމާންވަނީ އިޢުލާނު ކޮށްފައެވެ.
މި ހަފުލާގައި ވާހަކަ ދައްކަމުން ސަލްމާން ބުނީ އެސް އެސް ރާޖުމޯލީގެ ބައްޕަ، ކޭ.ވީ ވިޖެޔަންދުރަ ޕްރަޝާދު ވަނީ ސަލްމާނުގެ ކެރިއާގެ ފާހަގަ ކޮށްލެވޭ ފިލުމެއް ދީފައިވާ ކަމަށެވެ.
''ބަޖުރަންގީ ބައިޖާން'' އަކީ ބޮކްސް އޮފީހުގައި ކާމިޔާބު ފިލްމެކެވެ. މި ފިލްމަށް ވަނީ އެތައް އެވޯޑެއް ވެސް ލިބިފައެވެ.
ސަލްމާންގެ އިތުރުން ކަރީނާ ކަޕޫރު ޚާނާއި ނަވާޒުއްދީން ސިއްދީގީއާއި ހަރްޝާލީ މަލޯތުރާ ވެސް މި ފިލްމުން ފެނިގެން ދިޔައެވެ.