ޔަމަނުގެ ދެކުނުގެ ރަށެއް ކަމަށްވާ އަދަނުގެ މައި ބަނދަރުގައި ހިނގަމުންދާ ކުރިމަތިލުންތަކުގެ ސަބަބުން އެރަށުގައި ކާފިއު ހިންގުމަށް ޔަމަނު ސަރުކާރުން ނިންމައިފިއެެވެ.ޔަމަނުގެ ސަލާމަތީ ބާރުތަކާއި އިދިކޮޅު ހޫޘީ ހަނގުރާމަވެރިންނާ ދެމެދު އިއްޔެ ހިނގި ކުރިމަތިލުންތަކުގައި އެކަނިވެސް 12 މީހުން ވަނީ މަރުވެފައެވެ. މީގެ ތެރޭގައި ޔަމަނުގެ ސަލާމަތީ ބާރުތަކަށް ނިސްބަތްވާ 8 މީހުންނާއި ހަނގުރާމަވެރިންގެ ހަތަރު މީހުން ހިމެނޭކަމަށް ޚަބަރު ލިބެއެވެ.މިދިޔަ އަހަރު ހޫޘީ ހަނގުރާމަވެރިންގެ ބާރުގެދަށް ގެންދިޔައީ ޔަމަނުގެ ޢަދަން، ޔަމަނުގެ ސަލާމަތީ ބާރުތަކުން މިނިވަންކޮށްފައިވަނީ 2014 ވަނަ އަހަރުގެ ޖުލައި މަހުއެވެ.ޔަމަނުގެ 9 މަސް ދުވަސްވީ ދާޚިލީ ހަނގުރާމައިގެ ސަބަބުން އެޤައުމުގެ ފަސް ހާހަށްވުރެ ގިނަ މީހުން މަރުވެ، އެތައް ބަޔަކު އިންސާނީ އެހީއަށް ބޭނުންވެފައިވާއިރު، ޔަމަނުގެ ޢަސްކަރިއްޔާއިން ބުނީ ހޫޘީންނާ ދެކޮޅަށް ކުރާ ހަނގުރާމަ އިތުރަށް ވަރުގަދަ ކުރާނެކަމަށެވެ.