ގެއަށް އެއްވެސް މެހެމާނެއް ނުގެންދަނީ ބައްޕަ ޗަންކީ އަބަދު ތުވާލި އަނދެގެން ގޭތެރޭ އުޅޭތީކަމަށް "ސްޓޫޑަން އޮފް ދަ ޔިއަރ" ގެ ތަރި އަނަނިޔާ ޕާންޑޭ ބުނެފިއެވެ.
އަނަނިޔާގެ އެންމެ ފަހުގެ ފިލްމު "ގެހްރިޔާން" ގެ ޕްރޮމޯޝަން އިވެންޓެއްގައި ވާހަކަ ދައްކަމުން އަނަނިޔާ ބުނީ ބައްޕަ ގޭގައި އަބަދުވެސް އުޅެނީ ތުވާލި އަނދެގެންކަމަށެވެ. އަދި އެގޮތަށް މުޅިގޭގެ އެތަން މިތަނުން ބައްޕަ ފެންނަކަމަށެވެ. އެހެންކަމުން އެއްވެސް ރައްޓެއްސެއް ގެއަށް ގެންދަން ނުކުރޭކަމަށްވެސް އަނަނިޔާ ވަނީ ބުނެފައެވެ.
"ގެހްރިޔާން" ގައި އަނަނިޔާގެ އިތުރުން ދީޕިކާ ޕަޑްކޯން އަދި ސިދާންތް ޗަކުރުވެދީވެސް މުހިއްމު ރޯލްތަކަކުން ފެނިގެން ދެއެވެ. އަނަނިޔާގެ މިވާހަތަކަށް ބާރުދެމުން ދީޕިކާ އާއި ސިދާތްވެސް ބުނީ އެމީހުންވެސް އެގެއަށް ދާން އެދުމުންވެސް އަނަނިޔާ އެކަމާއި ދެކޮޅު ހަދާފައިވާ ކަމަށެވެ.
"ގޭހްރިޔާ" ރިލީޒްކޮށްފައިވަނީ މި މަހުގެ 11 ވަނަ ދުވަހު އެމެޒޯން ޕްރައިމް ވީޑިއޯއިންނެވެ. ޝަކުން ބަޓްރާ ޑައިރެކްޓްކޮށް ދަރުމާ ޕްރޮޑަކްޝަން އާއި ވިއަކޮމް 18 ޕްރޮޑިއުސްކޮށްފައިވާ މި ފިލްމެކެވެ.
ފިލްމުގައި ދީޕިކާއާއި ޝިދާންތުގެ ގައިގޯލި ގިނަ މަންޒަރުތަކެއް ހުރުމުން މި ފިލްމަށް ގިނަ ބައެއްގެ ފާޑުކިޔުންތައް ވަނީ އަމާޒުވެފައެވެ. އެހެންކަމުން ފިލްމަށް މާ ބޮޑު ތަރުހީބެއް ނުލިބެއެވެ. އެހެންނަމަވެސް ކްރިޓިކްސް ލިޔާ މީހުން ވަނީ މި ފިލްމަށް ތައުރީފުކޮށްފައެވެ.