ވެލާނާ އިންޓަރނޭޝަނަލް އެއަރޕޯޓުގައި ބެގޭޖް ހެންޑްލަރއެއް ވެއްޓި މިއަދު ހެނދުނު ހިނގި އެކްސިޑެންޓެއްގައި އަނިޔާވި މީހާއަށް އައިޖީއެމްއެޗްގައި ފަރުވާދެމުންދާކަމަށް އެމްއޭސީއެލްއިން ވިދާޅުވެއްޖެއެވެ. އޭނާގެ ޙާލު ރަނގަޅުކަމަށްވެސް އެކުންފުނިން މަޢުލޫމާތު ދެއެވެ.
މިއަދު ހެނދުނު ވީއައިއޭގެ ޓެކްސީވޭގައި ފްލައިޓަކުން މުދާ ބޭލުމުގެ ތެރޭގައި ހިނގި މިއެކްސިޑެންޓު ހިނގަން މެދުވެރިވިގޮތް މިހާރު ބަލަމުންދާކަމަށް އެމްއޭސީއެލްއިން ވިދާޅުވެއެވެ. މިޙާދިސާގައި ހާނީއްކަވީ އެމްއޭސީއެލްގެ މުވައްޒަފަކަށެވެ.
މިކަމާއި ގުޅޭ އިތުރު މަޢުލޫމާތުތައް ދެވޭނީ ބަލަންޖެހޭ ކަންކަން ބެލުމަށްފަހުގައިކަމަށް އެމްއޭސީއެލްއިން ވިދާޅުވެއެވެ. މުވައްޒަފުންގެ ރައްކާތެރިކަމަށް އެމްއޭސީއެލްއިން އިސްކަންދޭކަމަށް އެކުންފުނިން ވިދާޅުވެއެވެ. އެގޮތުން މިފަދަ ހާދިސާތައް މަދުކުރުމަކީ ކުންފުނިންގ އެންމެ އިސްކަންދޭކަންކަމުގައިވެސް އެމްއޭސިލްއިން ވިދާޅުވެއެވެ.