ގޭގެޔަށް ޒިޔާރަތްކޮށް 65 އަހަރުން މަތީގެ ދޮށީ އުމުރުގެ 131 ބަލި މީހުންނަށް ފަރުވާދެވިފައިވާނެކަމަށް ދަމަނަވެށިން ހާމަކުރައްވައިފިއެވެ.
މިއީ އެދުމަތިކޮށްފައިވާ ބަލި މީހުންނަށް ފަރުވާދިނުމަށް ދަމަނަވެށީގެ ޑޮކްޓަރުންނާއި ނަރުހުންގެ ޙިދުމަތް ބޭނުންވާ ފަރާތަކަށް ދެމުންދާ ޚިދުމަތެއްކަމަށް ދަމަނަވެށިން ވިދާޅުވިއެވެ. އެގޮތުން ބަލިމީހާއަށް ކާންދިނުމަމާއި ޔޫރިން ކެތިޓާފަދަ ހޮޅިތައްބަދަލުކޮށްދިނުމުގެ ޙިދުމަތް ހިމެނޭކަމަށް ދަމަނަވެށީގެ ސީނިއަރ މެޑިކަލް އޮފިސަރ ޑރ.އައިޝަތު އަރޫނާ ވިދާޅުވިއެވެ.
ގޭގެއަށް ކުރާ ޒިޔާރަތުގައި އެނދުމަތިކޮށްފައިވާ ދޮށީ އުމުރުގެ މީހުންނަށް ފަރުވާދޭނެ ގޮތް އާއިލާތަކަށް ކިޔާދެވޭނެކަމަށް އަރޫނާ ވިދާޅުވިއެވެ. މިކަމުގެ ސަބަބުން އާއިލާތަކަށް އެފަދަ ބަލި މީހުންނަށް ފަރުވާދިނުމަށް ފަސޭހަވެގެންދާނެކަމަށް ދަމަނަވެށިން ހާމަކުރައްވައެވެ.