މާރަންދޫ ބައި-އިލެކްޝަން: މިހާތަނަށް 329 މީހުން ވޯޓްލައިފި

ހއ. މާރަންދޫ ކައުންސިލަށް މެންބަރަކު ހޮވުމަށް ބާއްވާ އިންތިޚާބުގައި މިއަދު 13:00 އާ ހަމައަށް ވޯޓުލާފައިވަނީ 329 މީހުންކަމަށް އިލެކްޝަންސް ކޮމިޝަނުން ވިދާޅުވެއްޖެއެވެ.

އިލެކްޝަންސް ކޮމިޝަނުން ވިދާޅުވީ ހއ. މާރަންދޫ ކައުންސިލަށް މެންބަރަކު ހޮވުމަށް ބާއްވާ އިންތިޚާބުގެ ވޯޓުލުން މިއަދު ހެނދު 8:00 ގައި ފަށާފއިވާކަމަށެވެ. އަދި މެންދުރު 13:00 އާ ހަމައަށް ވޯޓުލާފައިވަނީ ވޯޓުލެވޭ މީހުންގެ ތެރެއިން %44.7 ނުވަތަ 329 މީހުންކަމަށެވެ. އޭގެ ތެރޭގައި ހިމެނެނީ 145 އަންހެނުންނާއި 184 ފިރިހެނުންކަމަށް އިލެކްޝަންސްއިން ވިދާޅުވެއެވެ.

މި އިންތިޚާބުގައި 736 މީހުންނަށް ވޯޓުލުމުގެ ހައްޤުލިބޭއިރު މީގެ ތެރޭގައި ހިމެނެނީ 354 އަންހެނުންނާއި 382 ފިރިހެނުންނެވެ.

މާރަންދޫ ކައުންސިލަށް މެންބަރަކު އިންތިޚާބުކުރުމަށް ބައި-އިލެކްޝަނެއް ބާއްވަނީ އެކައުންސިލްގެ ނައިބު ރައީސްކަމުގައި ހުންނެވި އަހުމަދު ރަމީޒު ޖުލައި މަހުގެ 13 ވަނަ ދުވަހު ނިޔާވުމާއި ގުޅިގެންނެވެ.