ސްޓޭޓް ޓްރޭޑިންގ އޯގަނައިޒޭޝަން, އެސްޓީއޯގައިވާ ސަރުކާރުގެ ހިއްސާ ކުޑަކުރުމަށް ވިސްނަމުން އަންނަ ކަމަށް އެކުންފުނިންހާމަކޮށްފިއެވެ.
އެސްޓީއޯގެ އަހަރީ ޢާއްމު ޖަލްސާގައިވާހަކަ ދައްކަވަމުން އެކުންފުނީގެ މެނޭޖިންގ ޑިރެކްޓަރ އަޙުމަދު ޝަހީރު ވިދާޅުވީ އެސްޓީއޯގައި އޮތް ސަރުކާރުގެ ހިއްސާ ކުޑަކުރަން ސަރުކާރުންވެސް ބޭނުންފުޅުވާކަމަށެވެ.
އޭނާ މިހެން ވިދާޅުވީ އެސްޓީއޯގެ މިއަހަރުގެ ޢާއްމު ޖަލްސާގައި ހިއްސާދާރަކު އެގޮތަށް ހުށައަޅުއްވާ ސުވާލު ކުރެއްވުމުންނެވެ. އެސްޓީއޯގައި އޮންނަ ސަރުކާރުގެ ބައެއް ހިއްސާ ވިއްކާލުމުގެ ވާހަކަ، މީގެ ކުރީގެއަހަރީ ޢާއްމު ޖަލްސާ ތަކުގައިވެސް ވަނީ ދެކެވިފައެވެ. އަދި މިކަން ކުރުމަށް ސަރުކާރާ ވާހަކަ ދެއްކުމާމެދު އެސްޓީއޯގެ ޑިރެކްޓަރުންގެ ބޯޑުގައި މަޝްވަރާކުރެވިފައިވާކަމަށް އެސްޓީއޯ މެނޭޖިން ޑިރެކްޓަރ ވިދާޅުވިއެވެ.
އެސްޓީއޯގައި ސަރުކާރުގެ 81.63 އިންސައްތަ ހިއްސާ އޮވެއެވެ. ބާކީ 18.37 އިންސައްތައަކީ ޢާއްމު ހިއްސާދާރުންގެ ހިއްސާއެވެ.