ޓިއުނީޝިޔާ ކޮޅަށް ލަނޑުޖެހުމަށްފަހު ސްޕެއިން ކުޅުންތެރިން އުފާފާޅުކުރަނީ: ފޮޓޯ-އޭޕީ
ވޯލްޑް ކަޕަށް ތައްޔާރުވާ ޓިއުނީޝިޔާއިން ކުރީގެ ޗެމްޕިއަން ސްޕޭނަށް ވަރުގަދަ ފައިޓެއް ދީފިއެވެ.
އަންނަ ބުރާސްފަތި ދުވަހު ރަޝިޔާގައި ފަށާ މުބާރާތަށް ތައްޔާރުވާން ދެ ޤައުމު ވެސް ކުޅުނު ފަހު މެޗުން ސްޕޭން މޮޅުވީ އިއާގޯ އަސްޕަސް ޖަހައިދިން ހަމައެކަނި ލަނޑުންނެވެ. މި މެޗުގައި ސްޕޭނަށް ޓިއުނީޝިޔާގެ ގޯލަށް ހަމަލާއެއް ފޮނުވާލެވުނީ ވެސް އެތެލެޓިކޯ މެޑްރިޑުގެ ފޯވަޑް ޑިއެގޯ ކޯސްޓާ ކުޅެން ނުކުމެގެންނެވެ.
ޓިއުނީޝިޔާ އަކީ މި ފަހަރުގެ ވޯލްޑް ކަޕުގައި އިނގިރޭސިވިލާތް އެންމެ ފުރަތަމަ ބައްދަލުކުރަންޖެހޭ ގައުމެވެ. މި ގްރޫޕުގައި މަޝްހޫރު ބެލްޖިއަމް ވެސް ހިމެނެއެވެ.
ވޯލްޑް ކަޕުގެ 2010 ވަނަ އަހަރުގެ ޗެމްޕިއަން ސްޕޭން ވޯލްޑް ކަޕް ފަށާނީ ޖޫން 18 ވަނަ ދުވަހު ޕޯޗުގަލްއާ ދެކޮޅަށް ކުޅޭ މެޗުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ