ޔުވެންޓަސްގައި އާޖެންޓީނާގެ ފޯވަޑް ޕައުލޯ ދީބާލާ މަޑުކުރާނެ ކަމަށާއި އެ ޓީމުން އާސެނަލްގެ އާރޮން ރަމްސޭ ގެނައީ ކުޅުންތެރިޔާގެ އަސްލު ޕޮޒިޝަނުގައި ކުޅުވަން ކަމަށް ޔުވެންޓަސްއިން ބުނެފި އެވެ.
ޑިރެކްޓަރު ފަބިއޯ ޕަރަޓިކީ ބުނީ ރަމްސޭ އަކީ ޓީމުގެ އެންމެ ކުރީގައި ކުޅެން ޖެހޭ ތިން ކުޅުންތެރިންގެ ތެރެއިން އެއް ކުޅުންތެރިއެއް ކަމަށެވެ. ނަމަވެސް އާސެނަލްގައި އޭނާ އަށް އެފުރުސަތު ނުދޭ ކަމަށާއި ޔުވެންޓަސްގައި އެ ފުރުސަތު ލިބި ރަމްސޭ މުޅިން ތަފާތު ކުޅުންތެރިއަކަށްވާނެ ކަމަށް އޭނާ އުއްމީދު ކުރާ ކަމަށެވެ.
ޕަރަޓިކޯ ބުނީ ޓީމުން މިވަގުތު ޖާގަ ނުލިބުނު ނަމަވެސް މި ސީޒަނަށް ފަހު އާޖެންޓީނާގެ ޒުވާން ފޯވަޑް ދީބާލާ ޓީމު ދޫކޮށް ނުދާނެ ކަމަށެވެ. ނަމަވެސް އޭނާ ގަތުމަން މެންޗެސްޓާ ޔުނައިޓެޑާއި ރެއާލް މެޑްރިޑުގެ ޝައުގުވެރިކަން އެބަހުއްޓެވެ.
ޕަރަޓިކޯ ބުނީ ކްރިސްޓިއާނޯ ރޮނާލްޑޯ އެ ޓީމުގައި ހުރުމަކީ ދީބާލާ އަށް ފުރަތަމަ 11އިން ޖާގަ ނުލިބޭ ސަބަބު ނޫން ކަމަށެވެ.