ޖިރޯނާ އަތުން ބަލިވެ ތާވަލްގެ ތިންވަނައަށް ވެއްޓުނަށް އަދިވެސް ލީގާއި މެދު ކުރާ އުއްމީދު ކަނޑާނުލާނެކަމަށް ރެއާލް މެޑްރިޑުގެ ކޯޗު ސަންތިއާގޯ ސޮލާރީ ބުނެފިއެވެ.
ސްޕެނިޝް ލަލީގާގައި ޖިރޯނާ އަތުން ރެއާލް ބަލިވީ ދޭއް އެކަކުންނެވެ. ކޯޗު ސޮލާރީ ބުނީ ލީޑުގައި އޮއްވައި ރެއާލް މެޑްރިޑް ބަލިވީ ނުކުޅެވިގެން ނޫން ކަމަށާއި، މެޗުގެ ދެވަނަ ހާފުގައި ޖިނޯރާ ވަރަށް ރަނގަޅަށް ކުޅުނު ކަމަށެވެ.
ސޮލާރީ ބުނީ މެޗުން މޮޅުވާން ކުރެވެންހުރި ހުރިހާ ކަމެއް ކުޅުންތެރިން ކުރި ކަމަށާއި ލިބުނު ފުރުސަތުތައް ބޭނުން ނުކުރެވުނީ ކަމަށެވެ.އޭނާ ބުނީ ވީއެންމެ އަވަހަކަށް ރެއާލް ރަނގަޅު ނަތީޖާތަކެއް ހޯދަން ޖެހޭ ކަމަށާއި، ޓީމް ފޯމުގައި އޮތުން މުހިންމުކަމަށެވެ.
މެޗުގެ ފަހު މިނިޓްގައި ކެޕްޓަން ސާޖިއޯ ރާމޯސް އަސް ރަތްކާޑު ދެއްކި ރޭގެ މެޗުން ބަލިވުމުން ރެއާލްއަށް ވަނީ ދެ ވަނަ މަގާމު ގެއްލި ތިން ވަނަ އަށް ވެއްޓިފައެވެ. އެއީ 45 ޕޮއިންޓާއެކުގައެވެ. މިއީ އެއްވަނާގައިވާ ބާސެލޯނާއާ 9 ޕޮއިންޓް މަދު އަދަދެކެވެ.
ނަމަވެސް ސޮލާރީ ބުނީ މި ހިސާބުން ލީގު ނުލިބޭނެކަމަށް ބުނަން ބޭނުންނުވާ ކަމަށާއި ސްޕެނިޝް ލީގާއި ސްޕެނިޝް ކަޕް އަދި ޗެމްޕިއަންސް ލީގު ކާމިޔާބު ކުރުމުގެ ފުރުސަތު ރެއާލްއަށް އެބައޮތް ކަމަށެވެ.