ޕީއެސްޖީގެ ސްޕޯޓިން ޑިރެކްޓަރަކަށް ބްރެޒިލްގެ ލިއޮނާޑޯ ހަމަޖައްސައިފި އެވެ.
ޕީއެސްޖީން އެ ޓީމާއި އޭސީ މިލާނުގެ ކުރީގެ މިޑްފީލްޑަރު ކުލަބުގެ ސްޕޯޓިން ޑިރެކްޓަރަކަށް ހަމަޖެއްސި މިއީ ދެ ވަނަ ފަހަރެވެ. އޭނާ ވަނީ މީގެ ކުރިން 2011 އިން 2013 އަށް މަގާމު އަދާކޮށްފަ އެވެ.
ޕީއެސްޖީގެ މިހާރުގެ މެނޭޖްމަންޓުން ކުލަބު ގަތުމުގެ ވިޔަފާރި ކުރީ ލިއޮނާޑޯގެ ސްޕޯޓިން ޑިރެކްޓަރު ކަމުގަ އެވެ. އަދި 19 އަހަރު ތެރޭފައި ފުރަތަމަ ފަހަރަށް ފްރާންސް ލީގު އެ ޓީމުން ކާމިޔާބު ކުރީ ވެސް އޭނާ ހުއްޓަ އެވެ.
1994 ވަނަ އަހަރުގެ ވޯލްޑް ކަޕް ބްރެޒިލަށް ކާމިޔާބުކޮށްދިން މިޑްފީލްޑަރު ބުނީ ޕީއެސްޖީ އަކީ އޭނާގެ ކެރިއަރުގައި އަބަދުވެސް މުހިންމު ކުލަބެއް ކަމަށާއި އެނބުރި އާދެވުމުން ވަރަށް އުފާކުރާ ކަމަށެވެ.
ޕީއެސްޖީގެ ވެރިޔާ ނާސިރު އަލް ހަލީފާ ވެސް ވަނީ ލިއޮނާޑޯ އެނބުރި އެކުލަބާ ގުޅުމުން އުފާކުރާ ކަމަށް ބުނެފަ އެވެ.