ރާއްޖޭގެ އިޤްތިޞާދީ ސިޔާސަތުތަކަށް ބޮޑެތި ބަދަލުތަކެއް ގެންނަވަމުން ދާކަމަށް ރައީސުލް ޖުމްހޫރިއްޔާ ވިދާޅުވެއްޖެއެވެ.ރައީސް މިހެން ވިދާޅުވީ ޑަބްލިއުޓީއޯގެ ރީޖަނަލް ބައްދަލުވުން ހުޅުއްވައިދެއްވާ ވާހަކަފުޅު ދައްކަވަމުންނެވެ.ރައީސް ވިދާޅުވީ މި ބަދަލުތަކުގެ ތެރޭގައި ފަތުރުވެރިކަމުގެ ސިޔާސަތުތަކާއ، ފަތުރުވެރިކަމުގެ ތެރެއިން ޒުވާނުންގެ ދިރިއުޅުމުގެ ފެންވަރު މަތިކުރުމަށް ބޮޑެތި ބަދަލުތަކެއް ގެންނަވާނެކަމަށެވެ.ދެކުނު އިރުމަތީ އެޝިޔާއާއި، ޕެސިފިކްގެ ޤައުމުތަކާ ދެކުނު އޭޝިޔާގެ 24 ޤައުމުގެ ތެރެއިން 18 ޤައުމަކުން ބައިވެރިވާ އދ.ގެ ފަތުރުވެރިކަމާބެހޭ ޖަމިއްޔާގެ މިކޮންފަރަންސްގެ ތެރޭގައި މިނިސްޓަރުންގެ ބައްދަލުވުންތަކެއް ކުރިޔަށްދާނެއެވެ. މިބައްދަލުވުމުގައި މިއަދު ޥާހަކަފުޅު ދައްކަވަމުން ޓުއަރިޒަމް މިނިސްޓަރ އަޙުމަދު އަދީބު ވިދާޅުވީ ދުނިޔޭގެ އިޤްތިސާދުތައް އެންމެ ބޭނުންވާ ބާރުމިނުގައި ރަގަޅުވަމުން ނުދިޔަނަމަވެސް، އޭޝިޔާ ސަރަޙައްދުގެ ޤައުމުތަކަށް ފަތުރުވެރިން ޒިޔާރަތްކުރަމުންދާތީ މިއީ ފާހަގަކޮށްލެވޭކަމެއްކަމަށެވެ.ޑަބްލިއުޓީއޯގެ ސެކްރެޓަރީ ޖެނެރަލް ޠާލިބް ރިފާއީ ދެއްކެވި ވާހަކަފުޅުގައި ރާއްޖޭގެ އިގްތިސާދަށް ފަތުރުވެރިކަމުގެ ސަބަބުން ގިނަ ކުރިއެރުންތައް އަންނަމުންދާ ކަން ފާހަގަކުރެއްވިއެވެ.