ސާމްޕަލް ނެގުމާއި ޓެސްޓް ހެދުމުގައި މަސައްކަތް ކުރާ ރެޕިޑް ރެސްޕޮންސް ޓީމް މަސައްކަތުގައި / ފޮޓޯ: ހެލްތް މިނިސްޓްރީ
ރާއްޖެއިން ކޯވިޑް-19 ޖެހުނު އިތުރު މީހަކު ނިޔާވެއްޖެއެވެ. މިއީ ވޭތުވެދިޔަ 24 ގަޑިއިރުގެ ތެރޭގައި ކޯވިޑް-19 ޖެހިގެން ރާއްޖެއިން ނިޔާވި ދެވަނަ މީހާއެވެ.
ހެލްތު ޕްރޮޓެކްޝަން އެޖެންސީ، އެޗްޕީއޭއިން ވިދާޅުވީ މިރޭ ނިޔާވެފައިވަނީ ދަރުމަވަންތަ ހޮސްޕިޓަލުގައި ފަރުވާދެމުންދިޔަ އުމުރުން 62 އަހަރުގެ ބަންގްލަދޭޝް ފިރިހެނެއް ކަމަށެވެ. އެމީހާ ނިޔާވެފައިވަނީ މިރޭ 8:02ގައި ކަމަށް އެޗްޕީއޭއިން ވިދާޅުވެއެވެ.
މައުލޫމާތު ލިބިފަިއވާ ގޮތުގައި މި މީހާ ކޯވިޑް-19އަށް ޕޮޒިޓިވް ވެފައިވަނީ މިމަހުގެ 16 ވަނަ ދުވަހުއެވެ. މިއީ ރާއްޖެއިން ކޯވިޑް-19 ޖެހިގެންނިޔާވި 26 ވަނަ މީހާއެވެ. މިހާތަނަށް ރާއްޖެއިން މި ބަލި ޖެހިގެން ނިޔާވެފައިވަނީ 20 ދިވެހިންނާއި 6 ބިދޭސީންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ