ޕްރޮޑިއުސަރު ޕީޓާ ސަފްރާންއާ އެކު "އަކުއާމޭން" ގެ ތަރި ޖޭސަން މޮމޯއާ ބަޔޯޕިކެއް ޕްޑިއުސްކުރަން ތައްޔާރުވެއްޖެއެވެ.
މި ބަޔޯޕިކަކީ މަޝްހޫރު ލެޖެންޑަރީ ހަވާއީގެ ރާޅާއެޅުންތެރިޔާ ޑޫކް ކަހަނަމޯކޫއާ ގެ މައްޗަށް އުފައްދާ ބަޔޯޕިކެކެވެ.
ޖޭސަން އާއި ސަފްރާން ވަނީ ޕްރޮޑިއުސަރުން ކަމަށްވާ ސޫޒަން މިލާ ކާލްސަން އާއި ކާލްސަން ކޮމްޕެނީގެ އެރިކް ކާލްސަން ގުޅިގެން ކަހަނަމޯކޫގެ ވާހަކަ ސްކްރީނަށް ގެންނަން ނިންމާފައެވެ. މީގެ ސްކްރިޕްޓް ލިޔަނީ ކްރިސް ކެކާނިއޯކަލާނީ ބްރަ އިޓް އެވެ.
މެއި މަހު ޕީބީއެސް އިން ތަޢާރަފްކުރި އެމެރިކަން މާސްޓަރސްގެ ޑޮކިއުމެންޓްރީ ވޯޓާމަން - ޑޫކް: އެމްބެސެޑަރ އޮފް އަލޯހާ"ގެ ސަބްޖެކްޓަކީވެސް ކަހަނަމޯކޫއާއެވެ.
ކަހަނަމޯކޫއަކީ ޗެމްޕިއަން ފެތުންތެރިއެކެވެ. 5 ފަހަރު އޮލިމްޕިކް މެޑަލް ހޯދައި ރެކޯޑު މުގުރާލި ރާޅާއެޅުންތެރިއެކެވެ. ރިޓަޔާވުމަށްފަހު ކަހަނަމޯކޫ ވަނީ ހަވާއީގައި ގޭސް ސްޓޭޝަނެއް ހުޅުވާފައެވެ. 1968 ވަނަ އަހަރު އުމުރުން 77 އަހަރުގައި އޭނާ މަރުވީ ހާޓް އެޓޭކެއް ޖެހިގެންނެވެ.
މޮމޯއާ، ސަފްރާން އަދި ކާލްސަންސް އިން މަސައްކަތް ކުރަމުންދަނީ 1999 ވަނަ އަހަރުން ފެށިގެން ކަހަނަމޯކޫގެ ލެގަސީގެ އައިޕީ ރައިޓްސް މެނޭޖްކޮށްފައިވާ މަލާމާ ޕޮނޯ ލިމިޓެޑްގެ ވެންޗާ ހިންގާ ކެލިފޯނިއާގެ އިންވެސްޓަރު ޑޮން ލަވްއާ އެކުގައެވެ.
ނަން އަދި ހާމަނުކުރާ މި ފިލްމުގައި ލެޖެންޑްރީ އައިކޯނިކް ރާޅާއެޅުންތެރިޔާގެ މަޑުމައިތިރި މިޒާޖުވެސް ފެންނާނެކަމަށް ރިޕޯޓުތައް ބުނެއެވެ.