ބޮލީވުޑް އެކްޓަރު ރަންބީރު ކަޕޫރު މީގެކުރިން ނުފެންނަ ކަހަލަ ރޯލަކުން ފެންނަ ފިލްމު "އެނިމަލް" ގެ ފަސްޓް ލުކް ދައްކާލައިފިއެވެ.
އާ އަހަރުގެ ހަދިޔާއެއްގެ ގޮތަށް ދައްކާލީ މި ލުކްގައި ފެންނަން އޮތީ ހުސް ލެއެވެ. މި ޕޯސްޓަރުގައި ފެންނަނީ ދިގު އިސްތަށިގަނޑަކާއި ތުނބުޅިއަކާ އެކީ ރަންބީރް ފޮރޯއެއް ހިފައިގެން ލެއިން ތަތްތެޅިފައި ހުއްޓައެވެ.
"އެނިމަލް" އަކީ 2019 ވަނަ އަހަރު ދެއްކި އެންމެ ކާމިޔާބު ފިލްމު ކަމަށްވާ ޝާހިދު ކަޕޫރާއި ކިއާރާ އަދުވާނީގެ "ކަބީރް ސިންގް" ގެނެސްދިން ޑައިރެކްޓަރު ސަންދީޕް ރެޑީ ވަންގާގެ ތުރިލާއެކެވެ.
#RanbirKapoor releasing the #Animal within, soon! This is such a killer poster love it! pic.twitter.com/8BiMrHAfiO
— Anil Kapoor (@AnilKapoor) December 31, 2022
މީގެ ކާސްޓްގައި ދެކުނުގެ މަޝްހޫރު ބަތަލާ ރަޝްމިކާ މަންދަނާ އާއި އަނިލް ކަޕޫރާއި ބޮބީ ޑިއޯލްގެ އިތުރުން ޓްރިޕްތީ ދިމްރީ ވެސް ހިމެނެ އެވެ. މި އަހަރުގެ އެންމެ އުންމީދީ ފިލްމުތަކުގެ ތެރޭގައި ހިމެނޭ އެއް ފިލްމު ކަމުގައިވާ "އެނިމަލް" ސިނަމާތަކަށް ގެންނަން ހަމަޖެހިފައި ވަނީ އޮގަސްޓް 11 ގައެވެ.
މި ފިލްމުގެ ކުރިން މި އަހަރުގެ މާރިޗު 8 ގައި ރަންބީރާއި ޝްރަދާ ކަޕޫރްގެ ރޮމޭންޓިކް ކޮމެޑީ "ތޫ ޖޫޓީ މޭ މައްކާރް" ސިނަމާތަކަށް އަންނާނެ އެވެ. ލަވް ރަންޖަން ޑައިރެކްޓްކޮށްފައިވާ އެ ފިލްމުގެ ފަސްޓްލުކް ވެސް މިދިޔަ މަހު ދައްކާލާފައިވެއެވެ.
ބަތަލާ އާލިއާ ބަޓްގެ ފިރިމީހާ ރަންބީރް އެންމެ ފަހުގެ ފިލްމަކީ އަންހެނުން ބަތަލާގެ ރޯލު ކުޅުނު "ބުރައްމަސްތުރާ" އެވެ. މިދިޔަ އަހަރު ރަންބީރް "ޝަމްޝޭރާ" އިން ވެސް ފެނިފައިވެއެވެ.