ރާއްޖެއިން ބޭނުންވަނީ އިންޑިޔާއާއެކު އޮންނަ ގުޅުން ވަރުގަދަކުރަން

ރާއްޖެއިން ބޭނުންވަނީ، އިންޑިޔާއާއެކު ބާއްވާ ގުޅުން އިތުރަށް ވަރުގަދަކޮށް ދެ ގައުމަށްވެސް ފައިދާވާނެގޮތަކަށް ކަންކަން ކުރިއަށްގެންދިއުމަށްކަމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވިދާޅުވެއްޖެއެވެ.

ރައީސުލްޖުމްހޫރިއްޔާ މިހެން ވިދާޅުވީ، އިންޑިޔާގެ ޖުމްހޫރީ ދުވަހާއި ގުޅިގެން ސޯޝަލް މީޑިއާގައި ހިއްސާކުރެއްވި ޕޯސްޓެއްގައެވެ.

މިއަދު ފާހަގަކުރާ އިންޑިޔާގެ ޖުމްހޫރީ ދުވަހުގެ މުނާސަބަތުގައި ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ފޮނުއްވި މެސެޖުގައި، އިންޑިޔާގެ ރައީސް ޝްރީ ޑްރައުޕަދީ މުރްމު އަށާއި، ބޮޑުވަޒީރު ނަރެންދުރަ މޯދީ ގެ އިތުރުން، އިންޑިއާގެ އެންމެހާ ރައްޔިތުންނަށް ވަނީ ތަހުނިޔާއާއި ހެޔޮއެދުންތައް ފޮނުއްވާފައިވެއެވެ.

ރައީސުލްޖުމްހޫރިއްޔާގެ މެސެޖުގައި ދިވެހިރާއްޖެއާއި އިންޑިޔާއާ ދެޤައުމުގެ ދެމެދުގައި އޮތް ޒަމާންވީ ގާތް ރަހުމަތްތެރި ގުޅުމާއި އެއްޤައުމުން އަނެއް ޤައުމަށް ކުރާ އިޙްތިރާމާއި ބަދަހި ރަހުމަތްތެރިކަމުގެ ގުޅުން ފާހަގަކުރެއްވިއެވެ.

ރައީސުލްޖުމްހޫރިއްޔާ ވިދާޅުވީ އިންޑިޔާގެ ޖުމްހޫރީ ދުވަހަކީ މިނިވަންކަމާއި ޑިމޮކްރަސީއާއި ހިންގުން ހަރުދަނާކުރުމަށް ރައްޔިތުން ދޭ އަހައްމިއްޔަތުކަން ރަމްޒުކޮށްދޭ ދުވަހެއްކަން ފާހަގަކުރެއްވިއެވެ. ރާޢްޖެއިން ބޭނުންވަނީ ދެގައުމުގެ ގުޅުން ވަރުގަދަކޮށް، ދެ ގައުމު ގުޅިގެން، ފައިދާވާނެގޮތަށް މަސައްކަތްކުރުމަށްކަމަށްވެސް ރައީސްގެ މެސެޖުގައި ފާހަގަކުރެއްވިއެވެ.

Warmest greetings and best wishes to President HE Smt Droupadi Murmu @rashtrapatibhvn, Prime Minister HE Shri Narendra Modi @narendramodi, the government and the friendly people of India as they celebrate their 77th Republic Day.

This day strongly signifies the commitment of… pic.twitter.com/q84u5OBD5y

— Dr Mohamed Muizzu (@MMuizzu) January 26, 2026

އިންޑިޔާގެ ޖުމްހޫރީ ދުވަސް ފާހަގަކުރަނީ އެ ޤައުމުގެ ޤާނޫނު އަސާސީ އެކުލަވާލާ، ޢަމަލުކުރަން ފެށި ދުވަހާއި ގުޅުވާއިގެންނެވެ. އެއީ 1950 ވަނަ އަހަރުގެ ޖެނުއަރީމަހުގެ 26 ވަނަ ދުވަހެވެ. އަދި އެ ދުވަހަކީ އިންޑިޔާގެ ފުރަތަމަ ރައީސް ޑޮކްޓަރ ރަޖެންދްރާ ޕްރަސާދް، ރައީސްކަމުގެ ހުވާކުރެއްވި ދުވަހެވެ.